KOBAZ KOBA TRAIL 2021 PROBA BERTAN BEHERA GERATU DA

 Egun on guztioi,

Zoritxarrez, KOBAZ KOBA TRAIL 2021 proba bertan behera uztea erabaki berri dugu. Pandemiaren bilakaerak zuhurrak izatera eta familia handi honetako kide garenon segurtasuna eta osasuna lehenestera behartzen baikaitu. Familia honetako parte bihurtu gara antolatzaile, parte-hartzaile, boluntario, babesle, laguntzaile eta KOBAZ KOBA TRAIL urtez urte gozatzen duten guztiok.

Bertan behera uzteak pena izugarria ematen badigu ere, koronabirusa kutsatzea eta zabaltzea saihesteko hartutako neurriak ulergarriak zaizkigu, uste baitugu guztion artean arauak errespetatzen baditugu ahalik eta azkarren pandemia honekin amaitzen lagunduko dugula. Eta nola ez, KOBAZ KOBA TRAIL 2021 probako antolatzaileok buru-belarri hasiko gara KOBAZ KOBA TRAIL 2022 prestatzen.

Aurre egin beharreko auzi garrantzitsuagoak ditugu une honetan, eta esan bezala, hau zabal ez dadin eta laster amaitu dadin, ahaleginak egingo ditugu guztiok; horrela, lehenbailehen bizitza normalera itzuli gaitezen eta 2022ko otsailean Zestoan elkar ikusteko aukera izan dezagun.

Agur bero bat eta animoak guztioi!

Zestoa, 2021eko urtarrilak 22

Azken

BERRIAK

Bideoak

logoak-2020

Lehen gizakiaren bidetik

TRAIL

Euskal Historiaurrera garamatzan lasterketa

Azken izoztaroan euskal mendietan bizi iraun zuten lehen euskaldunak. Elur eta izotzez beteriko mendietan, ehiza eta fruitu bilketa ziren beraien bizimoduaren eta elikaduraren oinarria. Kobek eskainitako estalpeak bizileku moduan erabili zituzten, koba batetik besterako bideetan zehar ematen zuten bere bizitza. Gizaki haiek, Zestoako mendietan barrena, aztarna asko utzi dizkigute, kobak eskaintzen duten babesean. Margo paregabeak, bitxi ederrak, menhirra eta baita eguneroko jardunerako lanabesak ere. Ekain koba, UNESCOk Gizateriaren Mundu mailako ondare izendatu zuen duen garrantziagatik.

Kobaz koba Trail-ak, lehen gizakiaren bideetatik, iragana bizitzeko esperientzia paregabea eskaini nahi du. Gure arbasoen bide berdinetatik, historiaurretik gaurdainoko mendi lasterketa itzela, gure nortasunaren sustraietarainoko ibilbidea. Korrikalariek nahiz lagunek gure historiaz gozateko aukera eskainiko dugu datorren otsailaren 10ean.

Zatoz euskal historia bertatik bertara bizi eta gozatzera!

logo txuria

buletinera harpidetu

jarraitu gaitzazu

hemen gaude

ikusi planoa

faldoia-web-2020

© 2016 ARAZI

 Pribatasun politika – Política de privacidad | Lege pharra – Aviso legal

Kontaktua

Edozein gauzarekin... kontaktuan jarri

Start typing and press Enter to search