KOBAZ KOBA TRAIL 2026: otsailaren 8an
Kobaz Koba Trailen 10. edizioa berezia izango da, hobekuntza sorta prestatu du Zestoako Udala, Agiro Mendi Kluba eta Arazi osatutako antolaketa taldeak.
Izen emateetan zestoarrek lehentasuna izango dute:
- Zestoarrentzat: azaroaren 14tik 21eko 12:00tara, Zestoako Kiroldegian, errolda agiria erakutsiz
- Publiko orokorrarentzat: azaroak 24tik 30era, hemen, webgunean. Dortsal eskaintza gaindituz gero, zozketa abenduak 2an.
Ibilbideetan hobekuntzak:
- Artzei bidea (15K): ibilbide berdina, Aizarna eta Ertxiña igaroz.
- Zaldei bidea (30K): Akua bailara, Aizarnako bailara, Santa Engrazia eta Ertxina, Erdoizta eta Altzolarats bailaran Granada errekaraino luzatuko da ibilbidea, ikusgarritasuna eta mendi bidea indartzeko. Endoiarako igoera aurtengo edizioan ez da burutuko.
Dortsal kopurua murriztuko da ibilbidea zaintzeko eta korrikalariek zerbitzu guztiez pilaketarik gabe goza dezaten:
- 225 dortsal ibilbide bakoitzarentzako, 450 dortsal guztira
- Artzei bidea (15K): 24,00€
- Zaldei bidea (30K): 35,00€
Zerbitzu gehigarriak:
- Kronometraia zerbitzua txip bidezko denbora neurketarekin
- Arropa zaindegi eta dutxa zerbitzua Zestoako kiroldegian
- Koba Txikiko argazki tradizionala korrikalari guztiei
- Amaierako bertako kalitatezko produktuekin (Baserria KM0/Eusko Label eta Basatxerri) egindako Kobaz Koba Trailen hamaiketako ospetsua
- KOBAZ KOBA TRAIL 2026 kamiseta, parte-hartzaile bakoitzarentzat
Antolaketa taldeak (Zestoako Udalak, Agiro Mendi Klubak eta Arazik), hurrengo hilabeteetan lan ugari egingo duten bolondres, herritar eta lasterketa posible egiten duten terrenozale guztiei eskerrak eman nahi dizkie, denok zarete Kobaz Koba Trail!
Otsailaren 8an Zestoan ikusiko dugu elkar Kobaz Koba Trailen!
Azken
BERRIAK
Lehen gizakiaren bidetik
TRAIL
Euskal Historiaurrera garamatzan lasterketa
Azken izoztaroan euskal mendietan bizi iraun zuten lehen euskaldunak. Elur eta izotzez beteriko mendietan, ehiza eta fruitu bilketa ziren beraien bizimoduaren eta elikaduraren oinarria. Kobek eskainitako estalpeak bizileku moduan erabili zituzten, koba batetik besterako bideetan zehar ematen zuten bere bizitza. Gizaki haiek, Zestoako mendietan barrena, aztarna asko utzi dizkigute, kobak eskaintzen duten babesean. Margo paregabeak, bitxi ederrak, menhirra eta baita eguneroko jardunerako lanabesak ere. Ekain koba, UNESCOk Gizateriaren Mundu mailako ondare izendatu zuen duen garrantziagatik.
Kobaz koba Trail-ak, lehen gizakiaren bideetatik, iragana bizitzeko esperientzia paregabea eskaini nahi du. Gure arbasoen bide berdinetatik, historiaurretik gaurdainoko mendi lasterketa itzela, gure nortasunaren sustraietarainoko ibilbidea. Korrikalariek nahiz lagunek gure historiaz gozateko aukera eskainiko dugu datorren otsailaren 10ean.
Zatoz euskal historia bertatik bertara bizi eta gozatzera!
