Partaideek

GUNEAK:

PARTAIDE KOPURUA

ZALDEI (26km): 300 korrilakari.
ARTZEI (15km): 300 korrilakari.

HORNIDURA

Helmugakoaz gain, 26km-ko lasterketan 4 hornidura puntu atonduko dira eta 2 postu 15km-ko lasterketan. Ibilbide bakoitzeko lehenengo anoa-guneak arinak izango dira, ura eta fruta izango dute. Gainontzeko postuetan uraz gain, edari isotonikoa, fruta, txokolatea, fruitu lehorrak eta gozokiak eskainiko dira. Korrikalari bakoitzaren erantzukizuna izango da postu batetik bestera jana eta edaria ongi dosifikatzea.

DORTSALEN BANAKETA

Dortsala txiparekin eta lasterkariaren poltsa Zestoako Kiroldegian banatuko dira lasterketa egunean eta Zestoako turismo bulegoan jaso ahal izango dira aurreko bi egunetan.

• Otsailak 16 eta 17 Zestoako turismo bulegoan: 12:00-13:30 eta 14:30-17:00 ordutegian.
• Lasterketa egunean (otsailak 18):
  • 7:45 – 8:45 26km Zaldei bidea
  • 8:45 – 9:30 15km Artzei bidea

ARROPA ZAINDEGIA ETA DUTXAK

Zestoako kiroldegian izango dira dutxak, korrikalarientzako bakarrik. Garrantzitsua da uraren erabilera zaintzea eta gunea zegoen bezala uztea. Hanketako lokatza kentzeko mangerak erabili beharko dira kiroldegira sartu aurretik.

Arropa zaindegia ahalbidetuko da Zestoako Kiroldegian. Arropa utzi/hartzera doan lasterkariak bakarrik sartu ahalko du (laguntzailerik gabe).

SARIAK

Izen emandako guztiek opariak jasoko dituzte, izen ematearekin batera korrikalariaren
poltsan barneratuta.

Proba bakoitzean lehen hiru sailkatuak ere sarituak izango dira.